СЛОВ*ЯНСЬКЕ ЧТИВО

ТАРАСОВА ДОЛЯ.

                         Памяці
                        Тараса Шаўчэнкі

I

Ходзіць гоман по Ўкраіне
У святочных шатах…
Гаманіць Дняпро са стэпам
Аб вялікім святу.

Тую долю, што калісьці
Тарас напрарочыў, —
Тую долю чуюць вушы,
Бачаць ясны вочы.

Тая воля, на якую
Тарас спадзяваўся,
Загуляла ў буйным стэпе,
Сонцам абвілася.

Тое шчасце, аб якім так
Тарас вечна марыў,
У народзе на свабодзе
З Крамля гаспадарыць.

Добрым словам памінае
Вялікага сына
Украіна маладая,
Вольная Ўкраіна.